• अर्थ सरोकार सम्बाददाता 

काठमाडौँ । साताको कारोबारको तेश्रो दिन मंगलबार सेयर बजार बढेको छ । सोमबारको तुलनामा बजार ५.६८ अंकले बढेर १४०७.८९ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८९ कम्पनीको ४१ लाख १४ हजार ५१२ कित्ता सेयर खरिद बिक्री हुँदा १ अर्व २३ करोडमाथिको कारोबार भएको छ । जसमा सबैभन्दा बढी कारोबार नागरिक लगानी कोषको भएको छ । यस कम्पनीको कुल १६ करोड ५९ लाखमाथिको कारोबार भएको छ । त्यसपछि कारोबार क्रमश : नेपाल लाईफ इन्स्योरेन्स र नेको इन्स्योरेन्सको भएको छ ।