• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार सेयर बजार बढेको छ । बुधबारको तुलनामा बजार ६.२८ अंकले बढेर १३९७.५७ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८५ कम्पनीको १२ लाख १४ हजार ५१४ कित्ता सेयर खरिद बिक्री हुँदा ३९ करोड ३१ लाखमाथिको कारोबार भएको छ । जसमा सबैभन्दा बढी कारोबार नेको इन्स्योरेन्सको भएको छ । यस कम्पनीको कुल ३ करोड २ लाखमाथिको कारोबार भएको छ । त्यसपछि कारोबार क्रमश : नागरिक लगानी कोष र नेपाल पुनर्बिमा कम्पनीको भएको छ ।

यता, बुधबारको कारोबारमा होटल र म्युतुअल फण्ड उपसुचक घटेको छ भने बाकी सबै उपसुचक बढेको छ । सबैभन्दा धेरै समृद्धि फाइनान्स र सिभिल लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै जोशी हाइड्रोपावर र साधना लघुवित्तलगायत कम्पनीका लगानीकर्ताले गुमाएका छन् ।