- अर्थ सरोकार सम्बाददाता
काठमाडौं । प्रधानमन्त्री केपी शर्मा ओलीले कोरोना भाइरसबाट जोगिएर काम गर्न मन्त्रीहरुलाई निर्देशन दिएका छन् । आइतबार बसेको मन्त्रिपरिषद बैठकमा प्रधानमन्त्री ओलीले मन्त्रीहरु नै आइसोलेसनमा बस्नुपर्ने अवस्था आएको र समग्र देशमा संक्रमितहरुको संख्या दिनहुँ बढिरहेको भन्दै मन्त्रीहरुलाई कोरोना भाइरसबाट जोगिएर काम गर्न निर्देशन दिएका हुन् ।
गृहमन्त्री रामबहादुर थापा बादल र रक्षामन्त्री ईश्वर पोखरेल आइसोलेसनमा बसेका कारण नेकपा सचिवालय बैठकै रोकिएको थियो । दुवै मन्त्रीहरुको पीसीआर रिपोर्ट नेगेटिभ आएका कारण आइतबारको क्याबिनेट बैठकमा भने बादल र पोखरेल दुवै उपस्थित थिए । यता अर्थमन्त्री डा. युवराज खतिवडा भने आइतबारको मन्त्रिपरिषद बैठकमा उपस्थित भएनन् ।
