">
- अर्थ सरोकार सम्बाददाता
काठमाडौं – एनएलजी इन्स्योरेन्स कम्पनीले ७ प्रतिशत लाभांश दिने घोषणा गरेको छ । कम्पनीको शुक्रबार (श्रावण २३ गते) बसेकाे सञ्चालक समितिकाे बैठकले आर्थिक वर्ष २०७५/०७६को मुनाफाबाट आफनो लगानीकर्तालाई ७ प्रतिशत बोनस सेयर दिने निर्णय गरेको हो। साथै, कर प्रयोजनका लागि ०.३७ प्रतिशत लाभांश पनि दिने भएको छ।
कम्पनीले हकप्रद शेयर तथा लिलामी शेयर पश्चात कायम हुने चुक्ता पुँजी १ अर्ब २ करोड ४६ लाख ५० हजार रूपैयाँको ७ प्रतिशतले हुन आउने ७ करोड १७ लाख २५ हजार ५ सय रूपैयाँ बराबरको बोनस शेयर र कर प्रयोजनको लागि ०.३७ प्रतिशतले हुन आउने ३७ लाख ७५ हजार रूपैयाँ नगद लाभांश वितरण गर्ने प्रस्ताव गरिएकाे कम्पनीले जनाएकाे छ । त्यसैगरी, बीमा समितिबाट अनुमाेदन भएपश्चात मात्र उक्त लाभांश वितरण गरिनेछ ।
