">
- अर्थ सरोकार सम्बाददाता
काठमाडौँ । नेपाल राष्ट्र बैंकले हकप्रद निष्काशनमा कडाई गरेको छ । राष्ट्र बैंकले हकप्रद निष्काशन गर्न नपाउने नीति अख्तियारी गर्दै यस्तो कडाई गर्न थालेको हो ।
राष्ट्र बैंकले शाइन रेसुङ्गा डेभलपमेन्ट बैंक को हकप्रद निष्काशन गर्ने प्रस्ताव अस्वीकृत गरेको छ । यसअघिका प्रस्तावहरु अस्वीकृत गर्ने पक्षमा राष्ट्र बैंक छ । शाइन रेसुङ्गाको वार्षिक साधारण सभाले चुक्ता पूँजीको २५ प्रतिशत हकप्रद शेयर निष्काशनको प्रस्ताव पारित गरेर राष्ट्र बैंकमा निवदेन दिएको थियो । तर राष्ट्र बैंकले शाइन रेसुङ्गाको प्रस्ताव अस्वीकृत गरेको छ ।
बैंकले आव २०७५.७६ को नाफाबाट चुक्ता पूँजी २ अर्ब ६२ करोड २९ लाख ४ हजार १२३ रुपैयाँको १५ प्रतिशत बोनस शेयर वितरण गरेको थियो । त्यसपछी बैंकको चुक्ता पूँजी ३ अर्ब १ करोड ६३ लाख ३९ हजार ७४२ रुपैयाँ छ ।
