- अर्थ सरोकार सम्बाददाता
काठमाडौं – एनआरएन इन्फ्रास्टक्चर एण्ड डेभलपमेन्ट लिमिटेडको आइपिओ शुक्रबारदेखि बिक्रि खुल्ला भएको छ । कम्पनीको आइतबार बिहान १०:०० बजेसम्ममा मागभन्दा १.६६ गुणा बढी आवेदन परेकाे छ ।
कम्पनीले बिहान १० बजेसम्ममा १ लाख ३० हजार ३ सय १ जना आवेदकले ५२ लाख ६८ हजार ४ सय २० कित्ताको लागि आवेदन दिएका निष्कासन तथा बिक्री प्रबन्धक सानीमा क्यापिटलले जानकारी दिएकाे छ । सर्वसाधारणको लागि जम्मा ३१ लाख ६० हजार १८३ कित्ता शेयर निष्कासन गरिएकाे थियाे ।
कम्पनीले हिजाे (शुक्रबार) देखि प्रति कित्ता एक सय रुपैयाँ अंकित दरले ३३ लाख ५८ हजार ४६ कित्ता आईपीओ बिक्री खुल्ला गरेको हो । जसमध्ये ५%अर्थात १ लाख ६५ हजार ५०२ कित्ता शेयर सामूहिक लगानी कोषको लागि, २ प्रतिशत अर्थात ६७ हजार ९६१ कित्ता शेयर कर्मचारीको लागि र बाँकी रहेको ३१ लाख ६० हजार १८३ कित्ता शेयर सर्वसाधारणको लागि आजदेखि निष्कासन गरेकाे हो ।
उक्त साधारण शेयर सर्वसाधारणमा सार्वजनिक गर्न निष्कासन तथा बिक्री प्रबन्धकको काम सानीमा क्यापिटलले गरेकाे छ । त्यसैगरी, कम्पनीले निष्कासन गर्न लागेको आईपीओलाई केयर रेटिङ नेपालले ग्रेड ४ रेटिङ प्रदान गरेको छ । ग्रेड ४ रेटिङले कम्पनीको आधारभुत पक्ष औषतभन्दा तल रहेको देखाउँछ ।
