• अर्थ सरोकार सम्बाददाता 

काठमाडौं । सरकारले कोभिड-१९ को पीसीआर परीक्षणबापत ४ हजार ४ सयभन्दा बढी शुल्क लिन नपाउने निर्णय गरेको छ । कोरोनाको स-शुल्क परीक्षण गर्ने अनुमति पाएका ल्याबहरूले सेवा शुल्कसहित अधिकतम ४,४०० रुपैयाँ मात्र लिन पाउने निर्णय भएको स्वास्थ्य मन्त्रालयले विज्ञप्ति मार्फत जनाएको हो ।

सरकारले कोभिड १९ को पिसिआर परिक्षण बापत सेवा शुल्क घटाएको छ। यसअघि पिसिआर शुल्क अधिकतम ५ हजार ५ सय रुपैयाँ तोकिएकोमा अब ४ हजार ४ सय रुपैयाँभन्दा बढी लिन नपाउने निर्णय भएको स्वास्थ्य मन्त्रालयका प्रवक्ता जागेश्वर गौतमले जानकारी दिए। यसैगरी, गुणस्तर मापन तथा नियमन महाशाखाले अनुगमन गर्ने छ। महाशाखाले शुल्क,पिसिआरको नतिजा र प्रयोगशाला परिक्षणको गुणस्तरको अनुगमन गर्नेछ।