• अर्थ सरोकार सम्बाददाता

काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । 

आजको अंकमा हामीले दमौलीस्थित बैंकहरुमा व्यापक भिडदेखि काठमाडौँको न्युरोड सुनसानसम्मका दृश्यलाई फोटो समाचारमा समेटेका छौं ।

हेरौं फोटो समाचार :

कोभिड -१९ को सङ्क्रमण न्यूनीकरण गर्न काठमाडौँ उपत्यका जिल्ला प्रशासनले निषेधाज्ञा जारी गरेपछि सुनसान न्युरोड ।

डोटीको प्रमुख व्यापारी केन्द्र दिपायल पिपल्लामा मास्क नलगाई गाडी चलाउने चालकलाई जरिवाना तिराउँदै इलाका प्रहरी कार्यालय दिपायलका सुरक्षाकर्मी । यो एक हप्ताको अवधिमा घर बाहिर निस्किँदा मास्क नलगाउने एक हजार ४०० जनालाई कारवाही गरिएको छ ।