• अर्थ सरोकार सम्बाददाता 

विराटनगर । विराटनगर महानगरपालिकामा एक पत्रकारसहित थप २३ जनामा कोरोना भाइरसको संक्रमण पुष्टी भएको छ । गएराति गरिएको पीसीआर परीक्षणमा स्थानीय एक दैनिक पत्रिकाका सम्पादक र अर्का एक संवाददातासहित २३ जना संक्रमित थपिएका हुन् । आज थप भएकासहित विभिन्‍न संचारमाध्यममा कार्यरत विराटगरका ६ जना पत्रकारमा कोरोना देखिएको नेपाल पत्रकार महासंघ प्रदेश १ का अध्यक्ष विक्रम लुईटेलले बताएका छन् । 

थप भएका संक्रमितहरूमध्ये सबैभन्दा बढी विराटनगर-१७ मा सातजना छन्। यस्तै विराटनगर-३ मा एकजना, वडा नम्बर ५ मा चारजना, ६ मा तीनजना, ७ मा एकजना, ८ मा तीनजना, ९ मा दुईजना, १५ मा एकजना संक्रमित भेटिएका छन् ।