">
- अर्थ सरोकार सम्बाददाता
काठमाडौं । गण्डकी प्रदेशमा थप २१ जनामा कोरोना संक्रमण पुष्टी भएको छ । योसंगै प्रदेशमा संक्रमितको संख्या १ हजार ६सय ८१ जना पुगेको छ। क्षयरोग उपचार केन्द्र, पोखरा गरिएको परिक्षण अनुसार गण्डकी प्रदेशमा शुक्रबार थप २१ जनामा संक्रमण देखिएको हो। संक्रमण देखिएकामध्ये २० जना तनहुँकै एकै स्थानका छन् ।
तनहुँको भानु नगरपालिका-१ का २० जनामा संक्रमण देखिएको हो । उक्त वडाका १४ पुरुष र ६ महिलामा संक्रमण देखिएको प्रदेश स्वास्थ्य निर्देशनालयले जनाएको छ। यस्तै स्याङ्जा पुतलिबजारका एक ३९ वर्षीय पुरुषमा पनि संक्रमण देखिएको निर्देशनालयले जनाएको छ।
