- अर्थ सरोकार सम्बाददाता
काठमाडौँ । प्राइम कमर्सियल बैंकको मुख्य कार्यालयमा पनि कोरोना संक्रमण देखिएको छ । कमलपोखरीस्थित बैंकको मुख्य कार्यालयका कर्मचारीमा कोरोना संक्रमण पुष्टी भएको छ । कर्मचारीमा कोरोना संक्रमण पुष्टी भएपछी बैंकले आइतबारदेखि नै मुख्य कार्यालय बन्द गरेको छ ।
यता बैंकका अन्य कर्मचारीको पनि कोरोना परिक्षणका लागि स्याम्पल पठाईसकिएको र रिपोर्ट आइनसकेको भन्दै बैंकले कहिलेसम्म मुख्य कार्यालय बन्द गर्ने भन्ने निर्णय गरेको छैन ।
केहि दिनअघि एभरेष्ट बैंकको लाजिम्पाटस्थित मुख्य कार्यालयमा कार्यरत कर्मचारीमा कोरोना पुष्टी भइसकेको छ । जसपश्चात बैंकको मुख्य कार्यालय दुई दिन बन्द गरिएको थियो । कोरोनाको जोखिम बढेसँगै बैंक तथा वित्तीय संस्थाका कर्मचारी संक्रमण हुने क्रम तीव्र छ ।
