- अर्थ सरोकार सम्बाददाता
मोरङ । एकै परिवारका १४ सहित २२ जनामा कोरोना पुष्टि भएपछि रंगेली नगरपालिका सिल गरिएको छ । सोमबार राति १२ बजेदेखि अनिश्चितकालका लागि सिल गरिएको हो । नगर क्षेत्र अनिश्चितकालका लागि सिल गरिएको नगरपालिकाका प्रमुख प्रशासकीय अधिकृत टोम प्रसाद सुवेदीले जानकारी दिए ।
उनका अनुसार संक्रमितहरु धेरै जनाको सम्पर्कमा भएका कारण नगर क्षेत्र सिल गरिएको हो । १४ जना संक्रमित भेटिएको परिवारमा एक महिला भारतबाट आएको र उनबाट संक्रमण फैलिएको हुनसक्ने अनुमान गरिएको छ । पछिल्लो समय कोरोनाका बिरामी धमाधम फैला परिरहेका छन् ।
