• अर्थ सरोकार सम्बाददाता 

काठमाडौं। साधना लघुवित्त वित्तीय संस्था आर्थिक वर्ष २०७६/७७ को चौथौ त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ४ करोड २ लाख ८७ हजार रुपैयाँ खुद नाफा कमाएको छ । यो नाफा अघिल्लो वर्षको सोहि अवधिको तुलनामा १५१.१६% ले धेरै हो । गत वर्ष संस्थाले १ करोड ६० लाख ४० हजार रुपैयाँ नाफा कमाएको थियो । 

कम्पनीको खुद ब्याज आम्दानी र सञ्चालन नाफा क्रमश: १९६.६८% र ४१.६६% ले बढेको छ । संस्थाको खुद ब्याज आम्दानी १३ करोड ७३ लाख ४४ हजार रुपैयाँ पुगेको छ । अघिल्लो वर्ष सोहि अवधि मा संस्थाले ४ करोड ६२ लाख ९३ हजार रुपैयाँ खुद ब्याज आम्दानी गरेको थियो ।सार्वजनिक भएको विवरण अनुसार संस्थाको सञ्चालन नाफा २ करोड ५२ लाख ६९ हजार रुपैयाँबाट ढेर ३ करोड ५७ लाख ९७ हजार रुपैयाँ पुगेको छ । संस्थाको खुद ब्याज आम्दानी र सञ्चालन नाफामा आएको सुधारले खुद नाफा बढ्न टेवा पुगेको हो । 

असार मसान्तसम्ममा साधनाको २१ करोड ७७ लाख ८० हजार रुपैयाँ चुक्ता पुँजी रहेको छ । जगेडा कोषमा ६ करोड १२ लाख ६८ हजार रुपैयाँ रहेको छ । यसअवधिमा प्रतिसेयर आम्दानी १८ रुपैयाँ ५० पैसा र प्रतिसेयर नेटवर्थ १२८ रुपैयाँ १३ पैसा छ ।