">
- अर्थ सरोकार सम्बाददाता
काठमाडौं । समाज लघुवित्त वित्तीय संस्थाको आइपीओ भदौ १३ गते (शनिवार) बाँडफाँड हुने भएको छ । प्राप्त भएको जानकारी अनुसार उक्त आइपिओमा १४८.८९ गुणा बढी आवेदन परेको छ ।
संस्थाको उक्त आइपीओमा ५ लाख ६६ हजार ४७३ जना आवेदकबाट १ करोड २० लाख १५ हजार ८ सय २० कित्ता सेयर खरिदको लागि आवेदन परेको छ। संस्थाको आइपीओ गोलाप्रथा प्रणालीबाट बाँडफाँट हुनेछ । जसमा ८ हजार ७० जना ले मात्रै १० कित्ताका दरले सेयर पाउनेछन् भने बाँकी ५ लाख ५८ हजार ४ सय ३ जनाको खाली हुनेछ।
संस्थाले ८६ हजार कित्ता आइपीओ भदौ ४ गतेदेखि बिक्री खुल्ला गरेको थियो। संस्थाले जारी गरेको आइपिओमध्ये १ हजार कित्ता अर्थात जारी पूँजीको ५ प्रतिशत शेयर कर्मचारीहरुका लागि र कुल निष्काशनको ५ प्रतिशत अर्थात ४ हजार ३०० कित्ता शेयर सामूहिक लगानी कोषका लागि छुट्याएको छ। सर्वसाधारणले बाँकी ८० हजार ७०० कित्ताका लागि आवेदनदिएका थिए ।
