• अर्थ सरोकार सम्बाददाता 

काठमाडौँ । आइपीओमा लगानी गर्न इक्षा राख्नेहरुका लागि पढ्नै पर्ने खबर छ । समाज लघुवित्त वित्तीय संस्थाले ८६ हजार कित्ता साधारण सेयर (आइपिओ) जारी गर्ने भएको छ । संस्थाले आइपिओ जारी गर्न नेपाल धितोपत्र बोर्डबाट स्वीकृत प्राप्त गरेसंगै बाटो खुला भएको हो । 

संस्थाले ८६ लाख पुँजी संकलनका लागि सर्वसाधारणका लागि सेयर जारी गर्ने भएको छ। संस्थाले एक सय अंकित ८६ हजार कित्ता सेयर जारी गर्ने तयारी गरेको छ। आइपिओपछि संस्थाको पुँजी २ करोड पुग्ने छ। कम्पनीकाे उक्त साधारण शेयर सार्वजनिक गर्न निष्कासन तथा बिक्री प्रबन्धकको काम सिद्दार्थ क्यापिटल लिमिटेडले गर्नेछ । २०६८ सालदेखि सञ्चालनमा आएको यो संस्थाको केन्द्रीय कार्यालय सर्लाहीमा रहेको छ।