">
- अर्थ सरोकार सम्बाददाता
चितवन । चितवनको खैरहनीमा स्कुलभित्रै तास खेलिरहेको अवस्थामा ११ जना पक्राउ परेका छन् । खैरहनी नगरपालिका वडा नम्बर २ स्थित लिटल हेभन स्कुलमा तास खेलिरहेको अवस्थामा विद्यालयका प्रधानाध्यापक सहित ११ जनालाई प्रहरीले पक्राउ गरेको हो ।
विशेष सूचनाका आधारमा छापा मर्दा बिहीबार दिउँसो १ बजेतिर प्रहरीले विद्यालयबाट प्रधानाध्यापक सहित ११ जनालाई पक्राउ गरको हो। उनीहरुको साथबाट ४५ हजार ६ सय ४० रुपैयाँ बरामद भएको प्रहरीले जनाएको छ । पक्राउ परेकाहरु इलाका प्रहरी कार्यालयको हिरासतमा छन् ।
उनीहरुलाई जुवा ऐनअन्तर्गत जिल्ला प्रशासन कार्यालय चितवनबाट म्याद थप गरी अनुसन्धान गरिने प्रहरीले जानकारी दिए ।
