• अर्थ सरोकार सम्बाददाता

काठमाडौं । राष्ट्रिय परीक्षा बोर्डले एसईईको परीक्षाफल केहीबेरमा  सार्वजनिक  गर्ने तयारी गरेको छ । बोर्डको बैठक अहिले पनि जारी नै छ । बैठक जारी भएकोले केहीबेरमा परीक्षाफल सार्वजनिक हुने बोर्डका एक सदस्यले बताए । परीक्षा नियन्त्रण कार्यालय  (एसईई)ले झन्डै एक हप्ताअघि परीक्षाफल तयार गरी बोर्डका अध्यक्षलाई बुझाएको थियो । 

सोही आधारमा बोर्डले शिक्षामन्त्री गिरिराजमणी पोखरेलसंग सहमति लिएर परीक्षफल सर्वाजनिक गर्ने निर्णय गरेको हो । कोरोना भाइरसका कारण यस वर्षको एसईईको नतिजा स्कुलहरुले गरेको आन्तरिक मूल्याङ्कनबाट सार्वजनिक गर्न लागिएको हो ।