• अर्थ सरोकार सम्बाददाता 

भैरहवा । नेपाल एसबिआई बैंकका १३ कर्मचारीमा एकैसाथ कोरोना संक्रमण पुष्टी भएको छ । बैंकको सिद्धार्थनगरमा रहेको शाखामा कार्यरत १३ कर्मचारीमा कोरोना संक्रमण पुष्टी हुँदा आइसोलेसन कक्षको अभाव भएको छ । शाखा प्रबन्धक राकेश महर्जनका अनुसार संक्रमित कर्मचारीहरुलाई छुट्टै ठाउँको आइसोलेसनमा बस्न दबाब आईरहेको छ ।

यता होटलहरुसमेत खाली हुँदा संचालकहरुले आइसोलेसनका लागि दिन मनिरहेका छैनन् । जसकारण बैंकका संक्रमित कर्मचारीहरु आइसोलेसन कक्ष पाउनबाट बञ्चित भएका छन् । संक्रमित कर्मचारीले आफूहरुको व्यवस्थापनमा कसैले ध्यान नदिएको गुनासो गरेका छन् । अहिले भैरहवामा रहेका ४५ वटा बैंकहरूले सबै काम बन्द गरेका छन् । सिद्धार्थनगर नगरपालिकाले ५ भदौसम्म लकडाउन गरेपछि बैंकहरू पनि बन्द भएका हुन् ।