- अर्थ सरोकार सम्बाददाता
काठमाडौँ । साताको कारोबारको चौथौ दिन बुधबार सेयर बजार घटेको छ । मंगलबारको तुलनामा बजार २१.६१ अंकले घटेर १३८२.२५ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८६ कम्पनीको ३४ लाख ४७ हजार ७६५ कित्ता सेयर खरिद बिक्री हुँदा १ अर्ब २३ करोड माथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल १३ करोड ६१ लाखमाथिको कारोबार भएको छ । त्यसपछि कारोबार क्रमश : नेपाल लाईफ इन्स्योरेन्स र एनएमबि एशिया बैंकको भएको छ ।
यता, बुधबारको कारोबारमा सबैभन्दा धेरै अजोड इन्स्योरेन्स र आरम्भ चौतारी लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै आखुखोला हाइड्रोपावर र घलाम्दी हाइड्रोलगायत कम्पनीका लगानीकर्ताले गुमाएका छन् ।
