• अर्थ सरोकार सम्बाददाता

काठमाडौ । सनराइज बैंकले आफ्ना ग्राहकहरुलाई आफ्नो गोप्य विवरण कसैलाई पनि नदिन आग्रह गरेको छ । साइबर सुरक्षामा आक्रमण भइरहेको भन्दै बैंकले एक सार्वजनिक सूचना जारी गर्दै ग्राहकलाई सचेत रहन आग्रह गरेको हो । एक सार्वजनिक सूचनामार्फत बैंकले सम्पूर्ण ग्राहकलाई पासवर्ड र पिन नम्बर परिवर्तन गर्न, खाता कार्डमार्फत् भएको कारोबारको स्टेट्मेन्ट रुजु गराउन तथा शंका लागेमा तुरुन्तै बैंकमा खबर गर्न आग्रह गरेको छ ।

डिजिटल भुक्तानीको माध्यमबाट ठगी गर्न खोजेको गुनासो बैंकलाई प्राप्त भएपछी बैंकले यस्तो सूचना जारी गरेको हो । फेसबुक भाइबर लगायतका समाजिक संजालमार्फत् गोप्य विवरण माग्ने काम भइरहेको भन्दै बैंकले ग्राहकलाई सचेत गराएको छ ।बैंकको कर्मचारी बताउँदै ग्राहकलाई फोन गरेर एटीएम पासवर्ड, मोबाइल बैंकिङ पासवर्ड, पिन नम्बरलगायतका गोप्य विवरण मागेमा नदिनु सबै ग्राहकलाई सुचित गराएको छ ।

यता ग्राहकहरुले पनि मिडियामा गोप्य डकुमेन्ट नदिन र संस्थाको इज्जतको ख्याल गर्न बैंकलाई आग्रह गरेका छन् । केहि समयअघि अध्यक्षले सीइओलाई लिएको स्पष्टिकरणको गोप्य डकुमेन्ट बाहिरिएकोतर्फ इंकित गर्दै केहि ग्राहकहरुले विभिन्न सामाजिक संजालमार्फत बैंकलाई बैंकले पनि गोप्य डकुमेन्ट बाहिर नल्याउन भन्दै कमेन्ट गरेका छन् । बैंकर्स रुम रिलोडेड नामक ग्रुपमा विभिन्न ग्राहक तथा बैंकरहरुले यस्तो कमेन्ट गरेका हुन् ।