- अर्थ सरोकार सम्बाददाता
तनहुँ । तनहुँकामा थप १० जनामा कोरोना संक्रमण पुष्टी भएको छ । जिल्लाको म्याग्दे गाउँपालिकाका आठ जना, भानु नगरपालिकाका एक र देवघाट गाउँपालिकाका एक जनामा कोरोना संक्रमण पुष्टी भएको हो । म्याग्दे गाउँपालिकाको वडा नम्बर ४, ६ र ७ का आठ जनामा कोरोना पुष्टी भएको स्वास्थ्य निर्देशनालय गण्डकीले जनाएको छ ।
कोरोना पुष्टी हुनेमध्ये एक जना प्रहरी, छ जना भारतबाट आएर होम क्वारेन्टिनमा बसेका र एक जना म्याग्दे गाउँपालिका–७ घर भई हाल व्यास नगरपालिका–३ शान्तिनगर बस्ने पुरुष रहेको म्याग्दे गाउँपालिकाका प्रमुख प्रशासकीय अधिकृत हरि नागिलाले जानकारी दिनुभयो । त्यस्तै भानु नगरपालिका वडा नम्बर ४ का ५० वर्षीय पुरुषमा समेत संक्रमण पुष्टी भएको छ । देवघाट गाउँपालिका वडा नम्बर ५ निवासी ५१ वर्षीय पुरुषलाई समेत कोरोना संक्रमण पुष्टी भएको छ ।
