- अर्थ सरोकार सम्बाददाता
काठमाडौँ । आन्तरिक राजस्व विभागले खाता प्रमाणिकरणको म्याद पुस मसान्तसम्म थप गरेको छ । विभागले कोरोनाको जोखिमलाई मध्यनजर गर्दै व्यवसायीको सहजताको लागि खरिद बिक्री खाता प्रमाणिकरणको म्याद पुस मसान्तसम्म थप गरेको हो ।
आर्थिक वर्ष २०७७/०७८ का लागि मासिक र द्विमासिक र चौमासिक कर विवरण वुझाउने करदाताको खाता प्रमाणित गर्ने म्याद २०७७ पुस मसान्तसम्म कायम गरिएको छ । मूल्य अभिवृद्धि करमा दर्ता भएका करदाताहरुले मूल्य अभिवृद्धि कर ऐन, २०५२ को दफा १६ (३) बमोजिम प्रत्येक वर्ष कर अधिकृतबाट खरिद तथा बिक्री खाता प्रमाणित गराउनु पर्ने कानूनी प्रावधान छ।
