• अर्थ सरोकार सम्बाददाता 

काठमाडौं । काठमाडौंको महाराजगञ्जस्थित त्रिवि शिक्षण अस्पतालमा मृत्यु भएका पुरुषमा कोरोना संक्रमण पुष्टी भएको छ ।

उदयपुरको त्रियुगा नगरपालिकाका ५२ वर्षीय पुरुषको गत ९ गते मृत्यु भएको थियो । उनलाई ९ गते नै त्रियुगाबाट शिक्षण अस्पतालमा ल्याइएको थियो । सोही दिन स्वाब झिकेर उपचार थालिएकोमा बिहीबार राति मात्रै रिपोर्ट आएको हो । निमोनियाको समस्या भएका उनलाई अस्पताल ल्याइएको बताइएको छ ।