">
- अर्थ सरोकार सम्बाददाता
काठमाडौँ । काठमाडौँ उपत्यकामा निषेधाज्ञा लगाउने तयारी भइरहेको छ । पछिल्लो समय उपत्यकामा कोरोना भाइरस संक्रमणको उच्च जोखिम देखिएपछि तीन वटै जिल्लाका प्रमुख जिल्ला अधिकारीहरुले निषेधाज्ञा लगाउने तयारी गरेका हुन् ।काठमाडौँ र ललितपुरका सिडिओहरुसँग निषेधाज्ञा लगाउने विषयमा छलफल जारी रहेको भक्तपुरकी प्रमुख जिल्ला अधिकारी हुमकला पाण्डेले बताइन् ।
उनले कोरोना संक्रमणदर उच्च दर दिनप्रति दिन बढिरहेकाले सरकारसँग समन्वय गरेर निषेधाज्ञा लगाउने तयारी भएको जानकारी दिइन् । प्रमुख जिल्ला अधिकारी पाण्डेका अनुसार अत्यावश्यकबाहेक सबै गतिविधि बन्द हुने गरी निषेध लागू गर्ने तयारी भइरहेको हो । पछिल्लो समय उपत्यकामा कोरोना संक्रमण तिव्र रुपमा फैलिरहेको छ । अहिले देशका ७७ जिल्लामध्ये आधाभन्दा बढी जिल्लामा निषेधाज्ञा लागू गरिएको छ ।
