• अर्थ सरोकार सम्बाददाता 

काठमाडौँ । कोरोना संक्रमितको संख्या विश्वमा २ करोड २० लाख नाघेको छ । विश्व स्वास्थ्य संगठनका अनुसार हालसम्म विश्वमा कोरोना संक्रमितको संख्या २ करोड २० लाख ६२ हजार ५४१ पुगेको छ । कोरोनाका कारण विश्वमा हालसम्म ज्यान गुमाउनेको संख्या ७ लाख ७७ हजार ६६८ पुगेको छ । हालसम्म १ करोड ४८ लाख ५ हजार १९१ जना कोरोना संक्रमित निको भएर घर फर्किएका छन् । 

सबैभन्दा धेरै कोरोना संक्रमित हुने देशको सूचिमा पहिलो नम्बरमा अमेरिका छ भने दोस्रो स्थानमा ब्राजिल छ । चीनको वुहानबाट सुरु भएको कोरोना भाइरसको संक्रमण विश्वका २१६ देशमा फैलिसकेको विश्व स्वास्थ्य संगठनको तथ्यांकमा उल्लेख छ ।