- अर्थ सरोकार सम्बाददाता
काठमाडौं । निषेधाज्ञाको समयमा पनि बैंक तथा वित्तीय संस्थाहरुले कर्जा लगानी गरिरहेका छन् । तीन सातायता काठमाडौं लगभग ठप्प थियो। तर, पनि निषेधाज्ञामा कर्जा लगानी बढ्दै गएको देखिएको छ ।
नेपाल बैंकर्स संघका अनुसार वाणिज्य बैंकहरुले निषेधाज्ञाकै बीचमा १९ अर्ब रुपैयाँ कर्जा लगानी गरेका छन् । ‘क’ वर्गका बैंकहरुको साउन मसान्तसम्म २८ अर्ब ७८ अर्ब रुपैयाँ कर्जा लगानीमा रहेको छ । भदौं लागेपछिको १९ दिनमा भने कर्जा लगानी १९ अर्ब रुपैयाँले बढेर २८ खर्ब ९७ अर्ब रुपैयाँ पुगेको संघले जनाएको छ ।
संघले दिएको जानकारी अनुसार निक्षेपको तुलनामा कर्जा लगानी नै धेरै बढेको छ । १९ अर्ब कर्जा लगानी भएको अवधीमा निक्षेप भने १२ अर्ब रुपैयाँमात्रै जम्मा भएको संघले जनाएको छ ।
भदौ १ गते भन्दा अगाडि बैंकहरुमा ३४ खर्ब ७९ अर्ब रुपैयाँ निक्षेप रहेको थियो । संघका अनुसार १९ दिनमा बढेर ३४ खर्ब ९१ अर्ब रुपैयाँ निक्षेप पुगेको छ ।
