• अर्थ सरोकार सम्बाददाता 

नेपालगन्ज । बाँकेमा हालसम्म कोरोना पोजेटिभ हुनेको संख्या १ हजार ४ सय १५ पुगेको छ । तीमध्ये ९ सय ८४ जना भने निको भइसकेका छन् । हाल क्वारेन्टाइनमा २ सय ३ जना रहेका छन् भने आइसोलेशनमा ४ सय २३ जना रहेका छन् । ८ जनाको भने संक्रमणका कारण मृत्यु भइसकेको छ ।

यस्तै बाँकेमा हालसम्म पिसिआर जाँच गरिएकाको संख्या २२ हजार ६ सय ५६ जना रहेको छ । हाल ४ जना भने आइसियुमा रहेको बाँकेका प्रमुख जिल्ला अधिकारी राम बहादुर कुरुम्वाङले जानकारी गराउनुभयो । बाँकेमा लकडाउनलाई खुकुलो बनाएसँगै कोरोना संक्रमित पनि थपिँदै गएका छन् ।