• अर्थ सरोकार सम्बाददाता 

वीरगञ्ज । वीरगञ्जमा गरिएको परीक्षणमा थप २० जनामा कोरोना संक्रमण पुष्टी भएको छ । नारायणी अस्पतालको पीसीआर प्रयोगशालामा भदौ १५ गते ४ सय १० वटा स्वाब नमुना परीक्षण गर्दा २० जनामा कोरोना पुष्टी भएको हो । 

जिल्ला प्रशासन कार्यालय पर्साले सार्वजनिक गरेको विवरण अनुसार पीसीआर पोजेटिभ २० जनामध्ये १८ जना पर्साका र २ जना बाराका छन् । पछिल्लो पटक १८ जना संक्रमित थपिएसँगै पर्सा जिल्लामा कोरोना संक्रमितको संख्या २ हजार २ सय १४ पुगेको छ । यसअघि पर्सामा ४ सय ९० जना महिलासहित २ हजार १ सय ९४ जनामा कोरोना संक्रमण पुष्टि भइसकेको छ । कोभिड–१९ का कारण पर्सामा मात्रै ३८ जनाको मृत्यु भइसकेको छ ।