• अर्थ सरोकार सम्बाददाता 

मोरङ । विराटनगरमा प्याजको कालोबजारी गर्ने २ जनालाई प्रहरीले पक्राउ गरेको छ । पक्राउ पर्नेमा विजय कुमार योगेस पसलका संचालक संजय कुमार गुप्ता र तनिसा ट्रेडर्सका संचालक मुकेश कुमार सहनी रहेका छन् । उनीहरूले प्याजको कालोबजारी गर्दै आएको भन्ने गोप्य सूचनाको आधारमा जिल्ला प्रहरी कार्यालय मोरङबाट खटिएको प्रहरीले उनीहरूलाई पक्राउ गरेको हो ।

उनीहरूलाई कालोबजार तथा केही अन्य सामाजिक अपराध तथा सजाय ऐन, २०३२ अनुसार जिल्ला अदालत मोरङबाट ७ दिनको म्याद थप गरी कारवाही प्रकृया अगाडि बढाइएको जिल्ला प्रहरी कार्यालय मोरङले जनाएको छ ।