• अर्थ सरोकार सम्बाददाता 

मोरङ । विराटनगर महानगरपालिकाका अर्का एक वडाध्यक्षमा पनि कोरोना संक्रमण पुष्टी भएको छ । सोमबार वडा नम्बर ११ का अध्यक्ष तिर्थेन्द्र न्यौपानेमा संक्रमण पुष्टी भएको हो । यसअघि वडा नम्बर २ र ५ का अध्यक्ष कुमार पोखरेल र मीनकुमार आचार्यमा संक्रमण देखिएको थियो ।

अध्यक्ष न्यौपानेले पीसीआर रिपोर्टमा पोजेटिभ देखिएको हो । वडाध्यक्ष न्यौपानेले हाल आफ्नो स्वास्थ्य अवस्था सामान्य रहेको बताएका छन् । उनी चिकित्सकसँगको परामर्शपछि हाल होम आइसोलेशनमा रहेका छन् ।कर्मचारी र जनप्रतिनिधिमा संक्रमण देखिन थालेपछि महानगरले पाँच दिनका लागि कार्यालयबाट प्रदान हुँदै आएका अत्यावश्यक बाहेकका सबै सेवा बन्द गरेको छ ।