काठमाडौँ । सोमबारदेखि  निजी एयरलाइन्स बुद्ध एयरले उडान भर्ने भएको छ ।  ६ महिनापछि बुद्ध एयरले १२ स्थानमा उडान भर्न लागेको हो  ।

सोमबारदेखि आन्तरिक उडान नियमति रुपमा सञ्चालन हुने भएपछि नीजि क्षेत्रको बुद्ध एयरले सबै तयारी सकिएको जनाएको छ । लकडाउनकै अवधिमा स्वास्थ्य प्रोटोकल कायम गरेर उडान गर्नेबारे आन्तरिक तयारीमा जुटेको बुद्धले नियमित उडानका लागि सबै तयारी सकिएको जनाएको छ । 

बुद्धले विराटनगर–पोखरा, काठमाडौँ–विराटनगर, काठमाडौँ–भरतपूर, काठमाडौँ–भद्रपूर, काठमाडौँ–भैरहवा र काठमाडौँ–नेपालगञ्ज उडान गर्दै आएको थियो । यस्तै काठमाडौँ–धनगढी, काठमाडौँ–सुर्खेत, काठमाडौँ–जनकपूर र काठमाडौँ–सिमरा पनि बुद्धले उडान गर्दै आएको छ । यसबाहेक पोखरा–भैरहवा र पोखरा–भरतपूरको उडान पनि बुद्धले गर्दै आएको छ । तत्काल राजविराजमा भने उडान नगर्ने भएको छ ।