• अर्थ सरोकार सम्बाददाता 

काठमाडौं । सिभिल बैंकले मर्जरकाबारे आएका समाचारहरु हल्ला मात्रै भएको जनाएको छ। बैंकले नेपाल स्टक एक्सचेन्ज (नेप्से)लाई लिखित जवाफ दिंदै हिमालयन बैंकसँग मर्जरमा जान लागेको भन्दै हल्ला मात्रै रहेको र मर्जरबारे कुनै निर्णय नभएको स्पष्ट परेको छ ।

हिमालयनसँग मर्जरमा जान लागेको हल्ला चलाएर सेयरको मूल्यमा चलखेल गरेको भन्दै आइतबार नेपाल स्टक एक्सचेञ्ज (नेप्से) ले सिभिल बैंकसँग स्पष्टीकरण सोधेको थियो । नेप्सेले आजको अर्थात् सोमबारको सेयर कारोबार खुल्नु अघिनै लिखित जवाफ पठाउन भनेको थियो । 

यसो त धितोपत्र सूचीकरण निवियमावली अनुसार सेयर मूल्यमा प्रभाव पार्ने कुनै निर्णय वा कारोबार भएमा यसअघि समयमै जानकारी दिने व्यवस्था रहेको छ ।