• अर्थ सरोकार सम्बाददाता 

काठमाडौं । कम्प्युटर एसोसिएसन नेपाल (क्यान) महासंघले स्वास्थ्य तथा सुरक्षा मापदण्ड पालना गरेर व्यवसाय सञ्चालन गर्न पाउनुपर्ने माग गरेको छ । निषेधाज्ञा र लकडाउनले गर्दा गरिखाने वर्ग अफ्ठ्यारोमा परेको भन्दै महासंघले यस्तो माग गरेको हो । निषेधाज्ञाका कारण आर्थिक गतिविधि सञ्चालन ठप्प रहेका बेला २५ गतेभित्र कर विवरण र भुक्तानी नगर्नेलाई जरिवाना व्यवस्था व्यवहारिक नभएको उनीहरूको दाबी छ । 

‘स्वास्थ्य तथा सुरक्षा मापदण्ड उल्लङ्घन गर्नेलाई कडा कारबाहीको व्यवस्था गरी व्यवसाय सञ्चालनको वातावरण मिलाउन क्यान महासंघ सरकारलगायत सम्पूर्ण सरोकारवालाहरूसँग आग्रह गर्दछ’ महासचिव नारायण थापाद्वारा हस्ताक्षरित विज्ञप्तिमा भनिएको छ ।