• अर्थ सरोकार सम्बाददाता 

चितवन । चितवनमा एकैदिन थप ७४ जनामा कोरोना संक्रमण पुष्टी भएको छ । भरतपुर कोभिड प्रयोगशाला र चितवन मेडिकल कलेज कोभिड प्रयोगशालामा बिहीबार गरिएको परीक्षणमा उनीहरुमा संक्रमण पुष्टी भएको छ ।

भरतपुर कोभिड प्रयोगशालामा थप १७ जना र चितवन मेडिकल कलेजमा गरिएको परीक्षणमा ५७ जनामा कोरोना संक्रमण पुष्टि भएको छ । सबैभन्दा धेरै भरतपुर महानगरपालिकाका ५६ जनामा संक्रमण देखिएको छ । यस्तै राप्ती नगरपालिकाका ९, खैरहनी नगरपालिकाका ४, रत्ननगर नगरपालिकाका ३ र कालिका नगरपालिकाका २ जनामा पनि संक्रमण देखिएको हो ।