- अर्थ सरोकार सम्बाददाता
काठमाडौं । पछिल्लो समय बैंकिङ क्षेत्रमा रकम प्रयाप्त मात्र थुप्रिएको छ । कोरोना महामारीका बेला बैंकहरुमा निक्षेप बढेको थियो भने कर्जा शुन्य प्राय थियो । तर अहिले बैंकहरुले निक्षेप संकलन गरे सरह नै कर्जा लगानी पनि गरिरहेका छन् । यसो त पछिल्लो समय निषेधाज्ञा खुकुलो भएपछी कर्जाको माग आएको बैंकरहरु बताउँछन् ।
२७ वटा वाणिज्य बैंकमा एक साताको निक्षेप संकलन र कर्जा लगानीको तथ्यांकले पनि सोही कुरा दर्शाउछ । एक साता अर्थात् असोज पहिलो सातामा २७ वटा वाणिज्य बैंकहरुले २२ अर्ब रुपैयाँ निक्षेप संकलन गरेका छन् भने २५ अर्ब रुपैयाँ कर्जा लगानी गरेका छन् । भदौ मसान्तसम्म वाणिजय बैंकहरुले ३४ खर्ब ९५ अर्ब रुपैयाँ निक्षेप संकलन र २९ खर्ब ४ अर्ब रुपैयाँ कर्जा लगानी गरेको बैंकर्स संघले जनाएको छ ।
