• अर्थ सरोकार सम्बाददाता 

तिलोत्तमा । इलाका प्रहरी कार्यालय बुटवलका ११ जना प्रहरीमा कोरोना संक्रमण पुष्टी भएको छ । अघिल्लो हप्ता १३ थुनुवामा संक्रमण देखिएपछि कन्ट्याक्ट ट्रेसिङका आधारमा प्रहरीको पीसीआर परीक्षण भएको थियो । स्वाब संकलन गरेर पठाइएकामध्ये सोमबार अबेरगरी १९ जनाको रिपोर्ट आएको र त्यसमध्ये ११ जनाको रिपोर्ट पोजिटिभ देखिएको र अन्य ५ जनाको रिपोर्ट आउन बाँकी रहेको जिल्ला प्रहरी कार्यालय रुपन्देहीका डीएसपी खड्कबहादुर खत्रीले बताए ।

‘संक्रमित प्रहरीलाई बुटवल उपमहानगरको कोरिया नेपाल इन्स्टिच्युटको आइसोलेसनमा राखिनेछ,’ उनले भने, अन्यको चेकलाई पनि तीव्र पारिनेछ ।’ इलाका प्रहरी कार्यालय बुटवलका ४ प्रहरीमा यसअघि नै संक्रमण पुष्टि भइसकेको छ ।