• अर्थ सरोकार सम्बाददाता 

वीरगञ्ज । वीरगञ्जमा कोरोना संक्रमित एक पुरुषको मृत्यु भएको छ । वीरगञ्ज हेल्थकेयर अस्पतालमा उपचाररत महागढीमाई नगरपालिका–१० का ६० वर्षीय पुरुषको मृत्यु भएको हो । उनलाई गत साउन १४ गते कोरोना संक्रमण पुष्टि भएको थियो । त्यसपछि साउन १४ गतेदेखि नै उनी अस्पताल भर्ना भएर उपचार गराउँदै आएका थिए ।

योसँगै नेपालमा कोरोना संक्रमणका कारण मृत्यु हुनेको संख्या ३ सय १ पुगेको छ । मन्त्रालययले सोमबार मात्र कोरोनाबाट ११ जनाले ज्यान गुमाएको पुष्टी गरेको थियो ।