पोखरा । गण्डकी प्रदेशमा कोरोनाका कारण थप एक जनाको मृत्यु भएको छ । तनहुँको आँबुखैरेनीका ३९ बर्षीय पुरुषको उपचारका क्रममा चितवन मेडिकल कलेजमा मृत्यु भएको गण्डकी प्रदेश स्वास्थ्य कार्यालय पोखराले जानकारी दिएको छ । 

ती पुरुषमा २९ भदौमा कोरोना संक्रमण पुष्टी भएको थियो । योसँगै गण्डकी प्रदेशमा ज्यान गुमाउनेको संख्या ३३ पुगेको प्रदेश स्वास्थ्य निर्देशनालयका निर्देशक डा. विनोद विन्दु शर्माले जानकारी दिए ।