• अर्थ सरोकार सम्बाददाता 

काठमाडौं । भारतमा लगातार चौथो दिन कोरोनाका कारण ९० हजार बढी नयाँ संक्रमित थपिएका छन् । पछिल्लो २४ घण्टामा ९४ हजार ३७२ जना नयाँ कोरोना संक्रमित थपिएको भारतको स्वास्थ्य मन्त्रालयले जानकारी दिएको छ । योसँगै भारतमा कोरोना भाइरसबाट संक्रमित हुनेको संख्या पनि ४७ लाख ५४ हजार ३५७ पुगेको छ ।

त्यस्तै भारतमा कोरोना भाइरसको कारण मृत्यु हुनेको संख्या पनि ७८ हजार ५८६ पुगेको छ । पछिल्लो २४ घण्टामा मात्र भारतमा कोरोनाका कारण एक हजार ११४ जनाको मृत्यु भएको छ । अहिलेसम्म भारतमा ३७ लाख दुई हजार ५९६ संक्रमित निको वा डिस्चार्ज भइसकेका छन् । भारत अमेरिकापछि विश्वमा सबैभन्दा धेरै कोरोना भाइरसका संक्रमित भेटिएको मुलुक हो ।