×

Live on

रेडियो अर्थ सरोकार

Listen to live radio.

चितवन मेडिकल कलेजले थाल्यो प्लाज्मा थेरापीबाट उपचार

GLOBAL IME BANK

चितवन मेडिकल कलेजले थाल्यो प्लाज्मा थेरापीबाट उपचार

१९ भाद्र २०७७, शुक्रबार

पढ्न लाग्ने समय: १ मिनेटभन्दा कम

चितवन
  • अर्थ सरोकार सम्बाददाता 
चितवन । कोरोनाको उपचारमा रहेका व्यक्तिहरुका लागि चितवनमा पनि प्लाज्मा थेरापी सुरु भएको छ । नेपाल रेडक्रस सोसाइटीको भरतपुरमा रहेको क्षेत्रीय रक्तसञ्चार केन्द्र (ब्लड बैंक)ले बिहीबार नै प्लाज्मा संकलन सुरु गरेको थियो । ब्लडबैंकमा संकलन भएको प्लाज्मा संक्रमितको उपचारमा प्रयोग भइसकेको छ । चितवन मेडिकल कलेजको शिक्षण अस्पतालका दुई जना संक्रमितले प्लाज्मा पाएका छन् ।
राष्ट्रिय स्वास्थ्य अनुसन्धान परिषद् (एनएचआरसी) तय गरेको मापदण्डअनुसार प्लाज्मा थेरापी विधिबाट अनुसन्धनात्मक उपचार सुरु गरिएको हो । चितवन मेडिकल कलेजले निकालेको सूचनामा संक्रमण पुष्टि भएकी मकवानपुर हेटौंडा–११ की ५२ वर्षीया महिलालाई प्लाज्मा थेरापी दिन सुरु गरेको उल्लेख छ । चितवनमै पहिलो पटक ती महिलाबाट प्लाज्मा थेरापी सुरु भए पनि अस्पतालले अन्य एक व्यक्तिलाई पनि यो सेवा दिएको अस्पतालका सञ्चालक डा.हरिस न्यौपानेले बताएका छन् । चितवनमा संक्रमितको संख्या नौ सय नाघेको छ भने निको हने १५६ जना मात्रै छन् ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: