">
- अर्थ सरोकार सम्बाददाता
राजविराज । कोरोना संक्रमित राजविराज नगरपालिका–३ का ७१ वर्षीय पुरुषको उपचारका क्रममा मृत्यु भएको छ । भदौ २५ गते संक्रमण पुष्टी भएका उनको उपचारका क्रममा धरानस्थित बीपी कोइराला स्वास्थ्य विज्ञान प्रतिष्ठानमा बिहीबार राति ११ बजे मृत्यु भएको हो ।
परिवारका सदस्यले दिएको जानकारी अनुसार श्वासप्रश्वासमा समस्या भएपछि १२ दिन अघिदेखि उनी धरानमा उपचाररत रहेका थिए । योसँगै सप्तरीमा मृत्यु हुने कोरोना संक्रमितको सङ्ख्या १३ पुगेको स्वास्थ्य कार्यालय सप्तरीले जनाएको छ ।
