• अर्थ सरोकार सम्बाददाता 

जनकपुरधाम । कोरोनाका कारण सिरहाको मिर्चैया नगरपालिका–५ बस्ने ६२ वर्षीय पुरुषको मृत्यु भएको छ । कोरोना संक्रमित पुरुषको आइतबार राती करिब ११ बजे प्रदेशिक कोभिड अस्पताल जनकपुरमा उपचारको क्रममा मृत्यु भएको हो ।

ज्वरो र श्वासप्रश्वासमा समस्या भएपछि आइतबार दिउँसो ती पुरुषलाई उपचारका लागि प्रादेशिक अस्पताल जनकपुरधाम ल्याइएको थियो । तत्कालै आकस्मिक कक्षमा राखी स्वाब संकलन गरेर उपचार शुरु गरिएको पुरुषको आइतबार राति मृत्यु भएको हो । पुरुषको मृत्यु हुनुअघि साँझ ५ बजेतिर कोरोना रिपोर्ट पोजेटिभ आएको झाले बताए । ती पुरुष मधुमेह र निमोनियाबाट ग्रसित थिए ।