काठमाडौँ । पछिल्लो २४ घण्टामा ८ सय २३ जना कोरोना मुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ४८ हजार ६१ पुगेको छ । स्वास्थ्य तथा जनसंख्या मन्त्रालयले देशका विभिन्न स्थानका अस्पतालबाट ८ सय २३जना डिस्चार्ज भएको जानकारी दिएको हो ।

मन्त्रालयका अनुसार मंगलसम्म कोरोनाका कारण ज्यान गुमाउनेको संख्या ४२९ पुगेको थियो । पछिल्लो २४ घण्टामा थप २ जनाको कोरोनाले मृत्यु भएसँगै ज्यान गुमाउनेको संख्या ४२९ पुगेको हो ।