">
- अर्थ सरोकार सम्बाददाता
भक्तपुर । मध्यपुर ठिमी नगरपालिका २ मनहरा दिव्यश्वरी प्लानिङबाट डलर साटिदिने भन्दै नगद ५ लाख रुपैयाँ ठगी भएको छ । काठमाडौं तार्केश्वर नगरपालिका ७, फुटुङ बस्ने २८ वर्षीय पुरुषको पाँच लाख रुपैयाँ ठगी भएको हो । ती युवकलाई सोमबारदेखि चिनजानको साथी हौं भन्दै अपरिचितले फोन गरेर डलर साट्न बोलाएर ठगी गरेको खुलेको छ ।
डलर लिएर कपडाको टुक्रामा सेतो धर्के कागज पोको पारी दिएर ३ जना अपरिचित व्यक्तिहरु रकम लिएर फरार भएको प्रहरीले जनाएको छ। फरार व्यक्तिहरुको खोजी कार्य भइरहेको महानगरीय प्रहरी परिसर भक्तपुरले जनाएको छ।
