">
- अर्थ सरोकार सम्बाददाता
पोखरा । गण्डकी प्रदेशमा मंगलबार थप ५९ जना कोरोना संक्रमित थपिएका छन् । गण्डकी प्रदेश स्वास्थ्य निर्देशनालयले दिएको जानकारी अनुसार पोखरामा ३१ सहित गण्डकी प्रदेशमा थप ५९ संक्रमित थपिएका हुन् ।
कोरोना संक्रमण पुष्टी गोरखामा १०, बागलुङमा ९, नवलपुरमा ६, तनहुँमा तीन जना संक्रमित थपिएका हुन् ।
पोखरामा देखिएका संक्रमितमध्ये गण्डकी मेडिकल कलेजमा एक जना बिरामी र पार्कल्याण्ड अस्पतालमा कार्यरत चिकित्सकवाहेक सबै पोखरा फुड्स प्रालिमा कार्यरत कर्मचारी हुन् । पोखरा फुड्मा संक्रमण पुष्टि भएका मध्ये २० पुरुष र ४ जना महिला हुन् ।
निर्देशनालयले दिएको जानकारी अनुसार प्रदेशमा जम्मा संक्रमितको संख्या २ हजार ६ सय ६० पुगेको छ । प्रदेशमा ज्यान गुमाउनेको संख्या २० पुगेको छ । गण्डकी प्रदेशमा एक हजार ७ सय ९७ जनाले कोराना संक्रमणलाई जितेका छन् ।
