">
- अर्थ सरोकार सम्बाददाता
पोखरा । गण्डकी प्रदेशमा थप ३२ जनामा कोरोना संक्रमण पुष्टी भएको छ । लम्जुङमा १७, पूर्वी नवलपरासीमा ८, स्याङ्जामा ४, कास्कीमा २ र तनहुँमा एक जनामा कोरोना संक्रमण पुष्टी भएको हो ।
स्वास्थ्य निर्देशनालय पोखराका अनुसार गण्डकी प्रदेशमा कोरोना संक्रमण पुष्टी हुनेको संख्या २ हजार ९ सय ३५ पुगेको छ । आज संक्रमण पुष्टी हुनेमा पूर्वी नवलपरासीको गैंडाकोटमा ६ जना तथा मध्यविन्दु र हुप्सेकोटका १–१ जना छन् । यस्तै लम्जुङको सुन्दरबजार–९ का १६ जना र बेंसिशहर–२ का एक जनामा कोरोना संक्रमण देखिएको छ ।स्याङ्जाको पुतलीबजारका ३ जना र बिरुवाका १ जनामा पनि संक्रमण पुष्टि भएको छ ।
कास्कीको पोखरा महानगरपालिका वडा नं. १६ की २० वर्षीया महिला र वडा नं.९ की ७० वर्षीय पुरुषमा कोरोना संक्रमण देखिएको छ । साथै तनहुँको भानु नगरपालिकाका १ पुरुषमा पनि संक्रमण देखिएको छ ।
