काठमाडौँ । गोर्खाज फाइनान्स लिमिटेडले २५औँ वार्षिक साधारण सभा बोलाएको छ । कम्पनीको उक्त साधारणसभा कार्तिक ५ गते बुधबार हाेटल क्राउन ईम्पेरियल, साेल्टीमाेड, काठमाडौँमा बिहान ११ बजेबाट सुरू हुनेछ। 

यसैगरी, फाइनान्सले गत आर्थिक वर्ष अर्थात आर्थिक वर्ष २०७५/७६ को मुनाफाबाट लाभांश भने वितरण नगर्ने भएको छ । फाइनान्सले नेप्सेमा एक सूचना प्रकाशन गर्दै लाभांश प्रस्ताव नगरिएकाे जानकारी दिएकाे हाे ।

त्यसैगरी, फाइनान्सले साधारण सभा प्रयाेजनका लागि असाेज १८ गतेदेखि कार्तिक ५ गतेसम्म शेयरधनी दर्ता पुस्तिका बन्द गर्नेछ । त्यसैले, असाेज १७ गतेसम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन सक्नेछन् ।