">
- अर्थ सरोकार सम्बाददाता
गुल्मी । करदाता सेवा कार्यालय गुल्मीले एक महिनाको अवधिमा ३ करोड बढी राजस्व संकलन गरेको छ । गुल्मीको सदरमुकाम तम्घासको करदाता सेवा कार्यालयले ३ करोड ५० लाख रुपैयाँ राजस्व संकलन गरेको हो । करदाता सेवा कार्यालय गुल्मीमा एक महिनाको अवधिमा १ सय ५० वटा व्यवसाय आयकरमा र ३० वटा भ्याटमा दर्ता भएका छन् ।
७ सय व्यवसायको अन्तर मूल्य नवीकरण भएको कार्यालय प्रमुख विनोदकुमार माझीले बताए । व्यक्तिगत प्यान नम्बर ३ सय ५० जनाले लिएका छन् । एक महिनाको अवधिमा ३ सय जनाले कर चुक्ता गरेका छन् । यो कार्यालयबाट कर संकलन, खाता प्रमाणित, मूल्य अभिवृद्धि करमा दर्ता, कारोबार परिर्वतन, अन्तशुल्क संकलन, व्यवसाय खारेज, कर शिक्षा जस्ता सेवा दिँदै आएको छ । करसम्बन्धी काम गुल्मीमा हुन थालेसँगै यहाँका व्यवसायीलाई पाल्पा र बुटवल जानपर्ने बाध्यताको अन्त्य भएको छ ।
