• अर्थ सरोकार सम्बाददाता 

काठमाडौं । भारतमा पछिल्लो २४ घण्टामा कोरोनाका कारण एक हजार १३३ जनाको मृत्यु भएको छ । भारतमा कोरोनाबाट मृत्यु हुनेको कुल संख्या ७२ हजार ८४३ पुगेको त्यहाँको स्वास्थ्य मन्त्रालयले जनाएको छ ।

पछिल्लो २४ घण्टामा कोरोना भाइरसका ७५ हजार ८०९ नयाँ संक्रमित फेला परेका छन् । नयाँ संक्रमितको यो संख्या पछिल्लो एक सातायताकै कम हो । यससँगै भारतमा कोरोना भाइरसको कारण संक्रमित हुनेको संख्या ४२ लाख ८० हजार ४२३ पुगेको छ । जसमध्ये अहिलेसम्म ३३ लाख २३ हजार ९५१ संक्रमित निको भइसकेका छन् । अझै आठ लाख ८३ हजार ६९७ संक्रमित निको हुन बाँकी छन् । कोरोना भाइरसको संक्रमित संख्याको आधारमा भारत विश्वमै दोस्रो बढी प्रभावित मुलुक हो ।