• अर्थ सरोकार सम्बाददाता 

काठमाडौं । भारतमा कोरोना संक्रमितको संख्या ५७ लाख नाघेको छ । भारतमा कोरोना संक्रमितको संख्या ५७ लाख ३२ हजार ५१९ पुगेको छ । पछिल्लो २४ घण्टामा मात्र भारतमा ८६ हजार ५०८ नयाँ संक्रमित थपिएको भारतको स्वास्थ्य मन्त्रालयले जनाएको छ ।

त्यस्तै भारतमा कोरोनाबाट मृत्यु हुनेको संख्या पनि ९१ हजार १४९ पुगेको छ । पछिल्लो २४ घण्टामा भारतमा कोरोनाबाट एक हजार १२९ जनाको मृत्यु भएको छ । भारतमा ४६ लाख ७४ हजार ९८८ संक्रमित निको भइसकेका छन् । भारत अमेरिकापछि सबैभन्दा धेरै कोरोना संक्रमित भेटिएको मुलुक हो ।